Maye

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Una «maye».

Maye, en as vals de l'alta Cinca en a comarca de Sobrarbe, ye un apelativo familiar con que a persona se nombra la propia agüela. El suyo equivalent en masculino ye paye. S'emplega de traza apaicida a como en a resta de Sobrarbe, Ribagorza y Tierra Plana se fa marchar a parola «yayo» y «yaya», y como se fa con «lolo» y «lola» en Viello Aragón.

L'emplego de «paye» y «maye» ye extensament documentau en belsetán,[1] en chistabín,[2][3] y en es parlaches de la Comuna y Saravillo que i son en mel medio.[4]

  • L'anyo que se van morir paye y maye.
  • Es nietos son con maye.
  • Maye diz "parlar", "fillo", "conoixer", pero nusatros ya no'l decim.[3]

S'emplega por un regular como formula afectuosa pa referir-se a l'agüela propia, la d'uno, pero bella vez (las menos) puede sentir-se aplicau a cualsiquier agüela, en un sentiu que podría contar-se como sinonimo de parentesco con «agüela»:

  • No criyón la historia de la pobra güela: mai de cinco fillas y maye de cinco nietos.[3]

«Maye» y «paye» va siempre sin articlo adebant,[3] como tamién lo'n va atros apelativos familiars afectuosos en aragonés, como «papá» y «mamá» y en atros puestos «yayo» y «yaya».

Referencias[editar | modificar o codigo]

  1. BADIA i MARGARIT, Antoni Maria, El habla del Valle de Bielsa (Pirineo aragonés). Edición d'Artur Quintana. Aladrada ediciones. Zaragoza, 2015. ISBN 978-84-944335-5-9
  2. MOTT, Brian L.. Diccionario etimológico chistabino-castellano castellano-chistabino. Institución «Fernando el Católico». Zaragoza, 2000. ISBN 84-7820-553-5
  3. 3,0 3,1 3,2 3,3 BLAS GABARDA, Fernando y ROMANOS HERNANDO, Fernando, Diccionario Aragonés: Chistabín-Castellano; Institución «Fernando el Católico» + Gara d'Edizions. Zaragoza, 2008. ISBN 978-84-8094-061-0
  4. GUILLÉN MUR, Joaquina y ROMANOS HERNANDO, Fernando. Más d'antes en Sarabillo. Bida y parlaje. Rolde de Estudios Aragoneses. Zaragoza, 2010. ISBN 978-84-92582-16-7.

Se veiga tamién[editar | modificar o codigo]